Kryesuesi i Këshillit Prokurorial të Kosovës (KPK), Bahri Hyseni, ka pritur në takim Ambasadorin e Norvegjisë në Kosovë, Jens Erik Grøndahl.
Qëllimi i takimit ishte koordinimi i aktiviteteve të përbashkëta dhe mundësia e ngritjes së bashkëpunimit, me theks të veçantë Projekti për menaxhimin e lëndëve në Gjykata dhe Prokurori (SMIL), projekt ky, i financuar nga Qeveria norvegjeze.
Me këtë rast, Kryesuesi Hyseni ka falënderuar Ambasadorin Jens Erik Grøndahl për mbështetjen e pakursyer dhe financimin e Projektit TIK-SMIL. Ai me tej ka njoftuar Ambasadorin norvegjez për aktivitetet që ka zhvilluar dhe pritet t’i zhvillojë KPK-ja me qëllim të implementimit të plotë të këtij projekti, me ç’rast ka thënë se ky projekt është i veçantë, sepse digjitalizimi i punës do të ndikojë në ngritjen e performancës, efikasitetit, shpejtësisë dhe transparencës në sistemin prokurorial.
Në anën tjetër, Ambasadori Jens Erik Grøndahl premtoi mbështetje të vazhdueshme për realizimin e plotë të Projektit TIK-SMIL, me qëllim të rritjes së efikasitetit të sistemit të drejtësisë në Kosovë, ndërsa, shprehi gatishmërinë e thellimit të bashkëpunimit edhe në segmente të tjera të interesit të përbashkët të sistemit prokurorial dhe Ambasadës norvegjeze.
Të dy bashkëbiseduesit thanë së kanë për qëllim të mbesin në partneritet të fuqishëm, afatgjatë dhe të përkushtuar, përmes komunikimit, koordinimit dhe fuqizimit të bashkëpunimit./arbresh.info/
Valverde pas ndeshjes: Nuk na intereson fitorja tani, me rën...
Hadar akuzon gjyqtarët pas humbjes ndaj Yllit, paralajmëron ...
Fushata zgjedhore/ Trump rikthehet në vendin ku iu bë atenta...
Moment emocionues/ Kroos i pranishëm në “Santiago Bernabeu”,...
Shtatë persona u lënduan nga një aksident në rrugën Mitrovic...
Real Madrid rikthehet tek fitorja mposht Villarealin